სრულყოფილი, განმავითარებელი გარემოს ნაწილია ბიოლოგიური სოფლის მეურნეობა: ვენახი, ხეხილისა და ბოსტნეულის ბაღი, სათბური, შინაური ცხოველები - ცხვარი და ძროხა, ფუტკარი. აქ მოზარდი პრაქტიკული ცოდნისა და უნარების შეძენის გარდა სწავლობს წელიწადის დროებთან ურთიერთობას, ეცნობა ნიადაგის, კლიმატისა და ცოცხალი ბუნების ურთიერთდამოკიდებულებას. მისთვის ჩვეული ხდება ჩიტებთან, ლოკოკინებთან, ჭიანჭველებთან და ობობებთან ურთიერთობა, ტყისა და ჭალის ველური მცენარეების ცნობა, მდინარის პირას შეგროვილი ფერად-ფერადი კენჭების წარმომავლობისა და შემადგენლობის კვლევა...